Министерство за надворешни работи

Наша заложба е да ги промовираме и застапуваме нашите интереси на меѓународен план. Евро-атлантската и европската интеграција се главни приоритети во нашето работење, воедно залагајќи се за безбеден, стабилен и просперитетен регион, како и развивање на поширока билатерална и мултилатерална соработка. Претставуваме сервис на граѓаните, обезбедувајќи конзуларни услуги за нашите државјани во странство.

+389 75 273 732

[email protected]

Најнови вести

Телефонски разговор на МНР Димитров со шпанската МНР Гонзалес Лаја

На барање на шпанската страна, министерот за надворешни работи Никола Димитров денес разговараше со Аранча Гонзалес Лаја, министерка за надворешни работи, ЕУ и за соработка на Кралството Шпанија.   Министерот Димитров уште еднаш се заблагадори за отворената и принципиелна поддршка од Шпанија за нашите европски и евро-атлантски интеграции, изразувајќи задоволство од нивната посветеност како за заокружувањето на НАТО членството, така и за нашиот пробив на европскиот пат. Беше направен осврт на епидемиолошката состојба во двете земји, но и пошироко, во контекст на здравствените предизвици со кои тие се соочуваат, како и на социо-економските последици од кризата и можни решенија за нивно надминување преку заедничка соработка и солидарност. Министрите разменија мислења и за повеќе актуелни прашања од регионот. Беше потенцирана важноста од натамошно динамизирање и продлабочување на одличните билатерални односи, со заемна заложба за јакнење на пријателските врски меѓу двете држави.

Телефонски разговор на МНР Димитров со француската државна секретарка Амели де Моншален

Попладнево, министерот за надворешни работи Никола Димитров телефонски разговараше со државната секретарка задолжена за европски прашања во Министерството за Европа на Франција, Амели де Моншален. Беше изразено задоволство од доброто ниво на билатералните односи и соработка. Димитров ја поздрави лидерската улога на Франција за заживување на европската агенда на Северна Македонија и заеднички ги разгледаа претстојните чекори на овој план. Во разговорот, исто така беа опфатени и актуелни прашања од регионален интерес.

Телефонски разговор на МНР Димитров со српскиот МНР Дачиќ

Попладнево, министерот за надворешни работи Никола Димитров телефонски разговараше со потпретседателот на Владата на Република Србија и министер за надворешни работи Ивица Дачиќ. Со српскиот колега беа споделени искуства во борбата со здравствената криза, како и информации за епидемиолошката состојба во Северна Македонија и Србија. Министрите разговараа и за плановите за натамошно ублажување на рестриктивните мерки, притоа запазувајќи го јавното здравје. Министерот Дачиќ информираше дека веќе не е потребна посебна согласност за влез на странски државјани во Република Србија и дека преминувањето на српските граници, сега се одвива според вообичаен режим. Двајцата министри се согласија за интензивна билатерална соработка и продлабочување на односите меѓу двете пријателски земји. Во таа смисла, МНР Димитров ја прифати поканата на МНР Дачиќ да оствари официјална посета на Србија во наредниот период, кога условите тоа ќе го дозволат.

Министер за надворешни работи на Република Северна Македонија:

Никола Димитров

Совети при патување во странство

Советите за патувања се извор на информации за граѓаните кои патуваат во други земји. Овие совети ќе ви помогнат да донесете информирани одлуки во врска со вашата безбедност додека престојувате во странство.

Прочитај повеќе
Посети ја Северна Македонија

Прочитај повеќе