Министерство за надворешни работи

Наша заложба е да ги промовираме и застапуваме нашите интереси на меѓународен план. Евро-атлантската и европската интеграција се главни приоритети во нашето работење, воедно залагајќи се за безбеден, стабилен и просперитетен регион, како и развивање на поширока билатерална и мултилатерална соработка. Претставуваме сервис на граѓаните, обезбедувајќи конзуларни услуги за нашите државјани во странство.

Најнови вести

Резолуција на Европскиот Парламент за Северна Македонија

Министерството за надворешни работи го поздравува усвојувањето на Резолуцијата на Европскиот парламент за Република Северна Македонија на денешната пленарна седница во Стразбур. Како и досега, Европскиот парламент упати јасна политичка порака за важноста од забрзување на европскиот интегративен процес и започнување на преговорите за пристапување во Европската Унија со Северна Македонија веднаш. Охрабрува фактот што текстот на Резолуцијата доби поддршка од огромен број на членови на Европскиот парламент, што ја отсликува поддршката од поширокиот политички спектрум во рамките на ЕУ. Особено е важно што Европскиот парламент ја реафирмира стратешката важност на Северна Македонија и целиот регион на Западен Балкан  и нивната иднина како дел од Европското семејство. Почетокот на пристапните преговори и членството во ЕУ е силна инвестиција за стабилност, не само за земјите од регионот, туку и за ЕУ, особеново во актуелниот безбедносен контекст во Европа.  Во таа смисла, го поздравуваме повикот на Европскиот парламент за надминување на билатералните прашања надвор од пристапниот процес, што е во духот и принципите  на пристапниот процес. Парламентот исто така го препознава рефорскиот напредок на земјата и нејзината подготвеност веднаш да ги започне преговорите со ЕУ.

Соопштение

Во рамките на соработка на Дипломатските академии на Министерството за надворешни работи на Република Северна Македонија и Виенската дипломатска академија, и во коорганизација со Амбасадата на Австрија во Скопје, на 18 мај 2022., во Министерството за надворешни работи, беше реализирана посета на педесетина дипломати од единаесет земји кои ги следат дипломатските студии во ова  светски реномирана дипломатска академија, а предводени од  претседателот на академијата Н.Е. Емил БРИКС. На присутните им се обрати ЗМНР, г-ѓата Фатмире ИСАКИ, која  во својот настап се осврна на досегашната соработка со Дипломатската академија во Виена, каде што низ нејзините дипломатски курсеви и програми во изминатите 25 години, поминаа околу педесетина наши дипломати, образувајќи се и надградувајќи ги своите дипломатски знаења и вештини. Притоа, изрази благодарност за континуираната соработка и поддршката што Дипломатската академија ја дава, овозможувајќи соодветна обука и пракса за нашите дипломати за нивно стручно усовршување и справување со предизвиците со кои се соочуваат во секојдневната работа во МНР или во нашите амбасади во светот. Во интерактивна дискусија младите дипломати од Виенската академија имаа можност да се запазнаат со активностите на Министерството за надворешни работи, чии активности беа претставени од страна на Директорите на Директоратот за односи со европските држави, Директоратот за воневропски земји, Директоратот за НАТО, Директоратот за Европската унија и Директоратот за воневропски земји. Посетата на младите дипломати на Виенската  дипломатска академија, претставува континуитет на одличните билатерални односи и соработката меѓу Република Северна Македонија и Република Австрија и во делот на размената на дипломатските добри практики и „know-how“ искуства.  

Скопје, 18 мај 2022. година

„Градењето на иднината на Западниот Балкан во современата европска безбедносна архитектура“

Министерот за надворешни работи, Бујар Османи на денешната прес конференција ги престави деталите за второто издание на Преспа форумот за дијалог, кој оваа година ќе се одржи на 16 и 17 јуни во Охрид.

„Колку е отпорен светот во кој живееме? Дали евроатлантската безбедносна архитектура, втемелена на структурите на НАТО и ОБСЕ, е подготвена да го одржи меѓународниот мир? Колку е регионот подготвен да ги издржи притисоците на современите предизвици? Во фокусот на дискусиите ќе доминираат актуелните теми, секако проектирани низ нашата регионална призма: градењето на отпорна безбедносна средина; зацврстување на стратешките партнерства; европската и евроатлантската перспектива на регионот, меѓусебната соработка, климатските промени и влијанија, итн.“ истакна Османи, најавувајќи ја темата на овогодинешното издание на Преспа форумот за дијалог - „Градењето на иднината на Западниот Балкан во современата европска безбедносна архитектура“.

На овогодинешното издание на Преспа Форумот за дијалог, потврдени се видни гости од регионот и пошироко. На самото отворање на Форумот ќе се обратат Претседателот со Европскиот Совет, Шарл Мишел, потсекретарката на Обединетите Нации за политички прашања - Розмари ди Карло како и актуелната генерална секретарка на ОБСЕ Хелга Шмит. Домаќин на отоврањето ќе биде Претседателот Пендаровски кој оваа година е покровител на настанот, а засега потврдено присуство имаат и Претседателите од Регионот, како што се Борут Пахор од Словенија, Вјоса Османи од Косово, Мило Ѓукановиќ од Црна Гора, како и Премерот на Косово, Албин Курти. „Од регионален аспект, особено е важно што на Форумот ќе присуствуваат и клучните Специјални претставници за регионот од САД, ЕУ, Обединетото Кралство и Германија; соодветно - заменик помошник секретар на САД Габриел Ескобар, потоа Мирослав Лајчак, Сер Стјуарт Пич и Мануел Сарацин. Тоа ќе биде за прв пат токму сите четворица специјални претставници за регионот да бидат присутни на едно место, или на еден панел, и тоа во посета на регионот. Она што е особено важно за нас е дека сите четворица во рамките на Преспа форумот за дијалог, ќе учествуваат на состанокот - Б6, со министрите за надворешни работи од регионот. “, истакна  Османи, посочувајќи на иницијативата Б6 која на негова иницијатива беше лансирана минатата година исто така за време на ПФД. На форумот веќе има потврда за учество и од бројни министри за надворешни работи, меѓу кои и Збигњев Рау од Полска, Грлиќ Радман од Хрватска, Иван Корчок од Словачка, Мевљут Чавушоглу од Турција, Бисера Турковиќ од Босна и Херцеговина, надбискупот Пол Ричард Галагер, секретар на Светата столица за односи со државите и други. За време на конференцијата Османи го најави и овогодинешниот „ворм ап“ настан кој под насловот „Патот до Брисел“ ќе се одржи на 25 мај во Клубот на пратениците. На промотивниот настан потвредени се признати експерти и претставници на домашни, регионални и европски институти и тинк тенкови како што се Јоанис Армаколас од ЕЛИАМЕП, Марија Симеонова од ЕЦФР, Милена Лазаревиќ од Центарот за европска политика во Белград, Ардијан Хачкај, директор на форумот за поврзување во Тирана, Демуш Шаша од Институтот за европска политика во Приштина, Јелена Џанкиќ од Центарот Роберт Шуман од Фиренца и многу други звучни имиња.  

Скопје, 18 мај 2022 година

Министер за надворешни работи на Република Северна Македонија:

Бујар Османи

Совети при патување во странство

Советите за патувања се извор на информации за граѓаните кои патуваат во други земји. Овие совети ќе ви помогнат да донесете информирани одлуки во врска со вашата безбедност додека престојувате во странство.

Прочитај повеќе
Посети ја Северна Македонија

Прочитај повеќе