Соопштенија до јавноста

Министерот за надворешни работи Никола Димитров, денес во МНР се обрати пред младите дипломати од земјите од Регионот, учесници на Регионалната школа за дипломатија. Говорејќи на тематскиот панел: „Дипломатските искуства и научените лекции од преговорите за Договорот од Преспа и меѓународните перспективи“, министерот Димитров се осврна на предизвиците во процесот на преговори и придобивките од постигнатиот договор со Грција. Посочи дека на финалниот договор му претходеле многу предизвици, за чие надминување било потребно трпение, мудрост, храброст и визионерство од двете страни.

Заменик министерот за надворешни работи, Андреј Жерновски, денес оствари средба со  вонредниот и ополномоштен амбасадор на Кралството Шведска во Република Северна Македонија, г-ѓа Кристин Форшгрен Бенгтсон.

Заменик министерот за надворешни работи, Андреј Жерновски, во Министерството за надворешни работи, со поздравен говор ја отвори „Регионалната школа за безбедност 2019“, на тема „Хибридните закани и нивниот импакт на демократијата - предизвици за регионална соработка“. Школата е во организација на Факултетот за безбедност - Скопје со поддршка на Фондацијата Конрад Аденауер и Вилфред Мартенс Центарот за европски студии од Брисел, а во соработка со Центарот за истражување и креирање на политики.

МНР Димитров денес оствари билатерална средба со Високиот комесар за национални малцинства на ОБСЕ Заниер, кој денеска присуствуваше на меѓународна конференција на тема: „Едно општество за сите и интеркултурализам како еден од главните говорници, а воедно оствари и повеќе билатерални средби со државнот врв како и со неколку градоначалници во Скопје. Средбите беа во контекст на размена на мислења околу овозможување успешна имплементација на Стратегијата за едно општество и интеркултурализам, по нејзиниото освојување, како тема која е во центарот на мандатот на Амбасадорот Заниер.

Министерот за надворешни работи, Никола Димитров оствари проштална средба со Бенџамин Перкс, претставник на УНИЦЕФ во Република Северна Македонија. На средбата, беа поздравени заложбите на Владата во делот на заштитата и унапредувањето на правата на децата и младите, посебно во делот на социјалните политики, намалување на стапката на сиромаштијата како и подобрување на квалитетот на образованието. Се разговараше и за успешното спроведување на проектот за деинституционализација, со што децата од социјалните институции се сместуваат во згрижувачки семејства.

Денес, министерот за надворешни работи Никола Димитров оствари средба со министерот за надворешни работи на Република  Финска г. Пека Хависто, за време на неговата официјална посета на Република Северна Македонија на 1 и 2 октомври 2019 година.

 

Денес во Скопје, министерот за надворешни работи, Никола Димитров, учествуваше на панел дискусија насловена „Западен Балкан: Напуштање на ривалството и несигурноста“, која се одржуваше во рамките на конференцијата Самит на Западен Балкан – „Зацврстување на моментумот за европска интеграција”, а во организација на магазинот „Економист“. На панелот, покрај МНР Димитров, учествуваа и други високи претставници од регионот, НАТО и ЕУ, како и амбасадори и други претставници од дипломатскиот кор и академската заедница.

На маргините на Генералната дебата на 74-тата сесија на Генералното собрание на Обединетите нации, министерот за надворешни работи Никола Димитров оствари средба со неговиот колега од Летонија Едгарс Ринкевич.

 

Министерот за надворешни работи Никола Димитров оствари средба со министерот за надворешни работи на Чешката Република Томаш Петричек. На средбата беше изразено задоволство од континуираниот политички дијалог и билатерална соработка. Министерот Димитров се заблагодари на конзистентната поддршка на Чешката Република за нашите стратешки цели, зачленувањето во ЕУ и НАТО. Тој истакна дека добивањето зелено светло за отпочнување пристапни преговори со ЕУ ќе отвори низа нови перспективи на нашиот европски пат. Исто така посочи дека добрите политички односи би можеле дополнително да се надоградат со економска размена и нови секторски содржини.

Во рамки на Генералната дебата на 74-тата сесија на Генерално собрание на Обединетите нации, министерот за надворешни работи Никола Димитров учествуваше на состанокот на Управниот совет на Заедницата на демократии. На состанокот, министерот Димитров го реафирмираше барањето на Владата на Република Северна Македонија за приклучување  кон Управниот совет, во светло на демократскиот напредок на домашен план.

Конзуларни услуги