Најнови вести

Упатство за начинот на постапување на министерствата, другите органи на државната управа и управните организации за време на изборниот процес:

 

Во рамки на учеството на македонската делегација на неделата на отворање на Генералната дебата на 72-то Генерално собрание на Обединети нации во Њујорк, агендата на министерот за надворешни работи, Никола Димитров на 21 септември 2017 година, беше исполнета со билатерални средби во насока на запознавање на свои колеги од различни земји и разгледување на можностите за соработка, како и со дискусии поврзани со регионалната соработка во рамки на работниот ручек на Централно-европската иницијатива (ЦЕИ).

Среда, третиот работен ден од учеството на македонската делегација на Генералната дебата на 72-то Генерално собрание на ОН, беше исполнет со низа активности насочени кон промоција на стратешките приоритети и аспирации на Република Македонија, размена на ставови како во мултилатерален, така и билатерален контекст.

Согласно комуникацијата остварена со надлежните служби, македонската амбасада во САД до овој момент нема сознанија за македонски државјани погодени од земјотресот во Мексико.

 

На 19 септември 2017 година, со обраќање на генералниот секретар на Обединети нации, Антонио Гутереш (Португалија) беше отворена Генералната дебата на 72-та сесија на Генералното собрание на ОН, со тема “Фокусирање кон луѓето: стремејќи се кон мирен и достоинствен живот за сите на една одржлива планета.”

Заменик министерката за надворешни работи на Република Македонија, Арта Точи, на 18 септември 2017 оствари прва средба со францускиот амбасадор во Република Македонија, Кристиан Тимоние. На средбата, заменик министерката Точи ги пренесе македонските заложби за изградба на силно европско општество, преку доследно имплементирање на приоритетните реформи на Владата. Осврнувајќи се на традиционално добрите билатерални односи и заемната поддршка во мултилатерален контекст, соговорниците ја потврдија заложбата за засилен ангажман во периодот што претстои, во насока на динамизирање на билатералната соработка, како во делот на политичките односи, така и во економијата, културата, техничката соработка и Франкофонијата.

На 18 септември 2017 година, ден пред почетокот на отворањето на Генералната дебата на 72-то Генерално собрание на ОН, министерот за надворешни работи на Република Македонија Никола Димитров учествуваше на повеќе настани и средби во придружба на претседателот на Владата на Република Македонија, Зоран Заев. Воедно, министерот Димитров оствари и одвоена билатерална средба со потсекретарот за политички прашања во Стејт департмент, г. Томас А. Шенон.

Министерот за надворешни работи Никола Димитров, денеска учествуваше на работен ручек со амбасадорите на земјите-членки на Европската унија, организиран од страна на нерезидентниот амбасадор на Естонија за Република Македонија, Даниел Шаер (во својство на земја претседавач со Советот на ЕУ).

На 14 септември 2017 година, заменик министерката за надворешни работи Арта Точи оствари протоколарна средба  со амбасадорот на Руската Федерација во Република Македонија, Олег Шчербак. 


Денес, министерот за надворешни работи, Никола Димитров го прими извршниот директор на Регионалниот центар за заштита на животната средина (РЕЦ) за Централна и Источна Европа, Михаил Димовски, во чија придружба беше и директорот на РЕЦ за Република Македонија, Игор Славковски.


Конзуларни услуги