Соопштенија

Соопштенија до јавноста

Денеска во Њујорк се воспоставија дипломатски односи меѓу Република Северна Македонија и Република Кореја. Заедничкото коминике за воспоставување дипломатски односи го потпишаа вршителот на работите во Постојаната мисија на Република Северна Македонија при Обединетите нации, Сања Зографска-Крстеска  и постојаниот претставник и амбасадор на Република Кореја при ОН, Н.Е. Чо Тае-јул.

На маргините на конференцијата на Економист, која вчера и денес се одржува во Атина, МНР Никола Димитров разговораше со својот кипарски колега, МНР Никос Христодулидис, на кој беше договорен датумот за воспоставување дипломатски односи помеѓу Република Северна Македонија и Република Кипар, на крајот на август, за време на овогодинешниот министерски состанок (Гимних) во Финска.

 

На покана на реномираниот магазин The Economist, денеска во Атина, министерот за надворешни работи на Република Северна Македонија, Никола Димитров, учествуваше  во работата на 23-та тркалезна маса со Владата на Хеленската Република, насловена „Европа: оставајќи ја неодлучноста зад себе?“

 

Денеска во просториите на Министерството за надворешни работи се одржа панел дискусија на тема „Националните перспективи на крај од романското и во пресрет на финското претседателство со Европскиот Совет“, во организација на Институтот за демократија „Социетас Цивилис“ во соработка со Амбасадата на Романија во Скопје и Амбасадата на Финска во Белград.

На покана на министерот за надворешни работи Никола Димитров, на 15 и 16 јули 2019 година, министерот за надворешни работи на Република Турција, Мевлут Чавушоглу, престојува во официјална посета на Република Северна  Македонија.

 

Министерот за надворешни работи, Никола Димитров денес го прими новоименуваниот амбасадор на Република Финска за Република Северна Македонија со седиште во Белград, Кимо Лахдевирта.

 

Денес, министерот за надворешни работи Никола Димитров и амбасадорот на Украина во Република Северна Македонија, г-ѓа Наталија Задорожњук, потпишаа Спогодба меѓу Владата на Република Северна Македонија и Кабинетот на министри на Украина за условите за заемни патувања на државјаните од двете земји.

 

Министерот за надворешни работи, Никола Димитров денес се сретна со новоименуваниот амбасадор на Соединетите Американски Држави, Кејт Мари Брнз, која му ги предаде копиите на акредитивните писма за нејзино именување за амбасадор на Соединетите Американски Држави во Република Северна Македонија.

 

Денеска во Лондон, на вториот ден од Меѓународната конференција за слобода на медиумите, во име на Република Северна Македонија, министерот за надворешни работи Никола Димитров ја потпиша Глобалната заложба за слобода на медиумите, со којашто земјите се обврзуваат да работат заедно во заштитата на слободата на медиумите.

 

Согласно комуникацијата остварена со надлежните служби, Генералниот конзулат на Северна Македонија во Солун извести дека нема загинати македонски државјани во синоќешното катастрофално невреме во регионот на Халкидики.

 

Конзуларни услуги