Соопштенија

Денеска министерот за надворешни работи на Република Македонија, Никола Димитров оствари средба со комесарот за човекови права на Советот на Европа, Нил Мужниекс, кој е во повеќедневна посета на Република Македонија.

 

20180131 MNR 2346

На средбата двајцата соговорници разменија мислења за текот на започнатите реформи во однос на состојбата со човековите права и слободи во Република Македонија, согласно владината програма и планот 3-6-9. Беше дискутирана и состојбата на планот на меѓу-етнички односи, инклузивноста и социјалната кохезија во македонското општество. Посебен акцент беше ставен на обврските на нашата држава кои произлегуваат од меѓународните инструменти за човековите права. Во тој контекст беше поздравена неодамнешната ратификација на Конвенцијата на Советот на Европа за превенција и борба против насилството врз жената и семејното насилство (Истанбулска Конвенција).

20180131 MNR 2355

Заеднички беше оценето дека исполнувањето на стандардите на Советот на Европа во поглед на владеењето на правото, демократијата и човековите права е од особено значење за побрзото интегрирање Република Македонија во европските и евро–атлантските институиции.

Конзуларни услуги