Соопштенија

Попоски на УНГА

Ако краткорочното справување со мигрантската криза подразбира успешно менаџирање на границите и обезбедување хуман третман на мигрантите, долгорочното справување подразбира решавање на темелните проблеми дома, во земјите извор на мигрантските бранови. Тоа значи создавање на квалитетен образовен систем, можности за вработување, квалитетно здравство, инфраструктура , подобрување на квалитетот на животот итн. Ако луѓето се чувствуваат среќни дома, поретко би се одлучиле да мигрираат. Ова го истакна вицепремиерот и министер за надворешни работи на Република Македонија Никола Попоски во неговото обраќање на тематската сесија за причините за миграција во рамки на Самитот за справување со големите движења на бегалци и мигранти на отворањето на 71-та сесија на Генералното Собрание на Обединетите Нации.

ungaglavna

„Агендата 2030 за одржливи развојни цели, како и Парискиот договор за климатски промени нудат можности за адресирање на различните аспекти на причините за миграцијата“, истакна Попоски. Исто така, изрази поддршка за создавање на Глобален договор за безбедна и регулирана миграција во рамките на Обединетите Нации. Додаде дека справувањето со причините за миграцијата подразбира лидерство и партнерство помеѓу меѓународните организации и институциите и помеѓу земјите-членки, посветеност за ефективен и ефикасен пристап кон проблематиката и активна вклученост.

kurtz rucek

Мигрантската криза беше предмет и на работниот состанок на министрите за надворешни работи на државите од Западен Балкан, во организација на австрискиот министер Себастијан Курц, на кој присуствуваше и еврокомесарот Јоханес Хан. На состанокот се разговараше и за евроинтегративниот процес на државите-кандидати, борбата против тероризмот и потребата од превенција од насилен радикализам. 

14330102 1103290979762574 1486507033083211845 n

Попоски присуствувaше и на средбите на претседателот на Република Македонија Ѓорѓе Иванов со претседателот на Советот на ЕУ, Доналд Туск, премиерот на Норвешка, Ерна Солберг и претседателот на Египет Абдел Фатах ал Сиси.

tusk

Средба Иванов - Туск

norveska

Средба Иванов - Солберг

egipet

Средба Иванов - Сиси

Министерот Попоски оствари билатерални средби и со МНР на Лихтенштајн Аурелија Фрик, МНР на Шведска Маргот Валстром, МНР на Сенегал Манкуер Ндиаје, МНР на Ангола Георгес Ребело Чикоти како и со претставници од Американскиот еврејски комитет.

lihtenstajn

Попоски - Фрик

svedska

Попоски - Валстром

senegal

Попоски - Ндиаје

Angola

Попоски - Чикоти

American Jewish Commeety

Средба на Попоски со претставници од Американскиот еврејски комитет

Конзуларни услуги