ЗАВРШЕН РАЗГОВOР НА МАРТИН ТРЕНЕВСКИ, АМБАСАДОР ВО МИСИЈАТА НА РЕПУБЛИКА МАКЕДОНИЈА ПРИ НАТО
Скопје, 28 Јули 2010 година

Вонредниот и ополномоштен амбасадор на Република Македонија во Постојаната Мисија при НАТО, Мартин Tреневски, денеска го одржа завршниот разговор пред Колегиумот во Министерството за надворешни работи на Република Македонија, пред стапување на оваа должност.

Амбасадорот Треневски ја нагласи важноста од напредок во евроатлантските процеси за Република Македонија, и притоа ги претстави приоритети во својата работа, со посебен акцент на континуирано одржување на силна динамика на активности и контакти, заради остварување и соодветно претставување на највисоките државни интереси. Напорите ќе ги фокусира на што поскоро добивање на покана за Република Македонија за членство во НАТО.

Во завршниот збор, министерот Антонио Милошоски заклучи дека амбасадорот Треневски стапува на должност во исклучително важен момент за евроатланска интеграција за Република Македонија и му посака на амбасадорот Треневски успех во извршувањето на дипломатската мисија во Брисел.